Luntiang Parangal


Bilang isang lider, kinakailangang maibalanse ang akademiko, ko-kurikular at ekstra- kurikular na mga gawain. Nangangailangan ito ng matatag na kasanayan sa pamumuno at pakikipag-ugnayan, disiplina, at ang malalim na pagtatalaga ng sarili sa paglilingkod sa iba.

Ang Gawad San Juan Bautista De La Salle para sa Kahusayan sa Pamumuno ay ipinagkakaloob sa isang Lasalyanong mag-aaral na nagpapamalas ng mga katangian ni San Juan Bautista De La Salle sa pamamagitan ng aktibong paglililingkod sa mga kapuwa mag-aaral mula pa sa kaniyang unang taon hanggang sa huling taon sa institusyon.

Mga Pormularyong Kailangang Punan


*ilalagay sa puti at mahabang selyadong sobre

  Pamantayan

  • Isang bona fide na mag-aaral ng DLSU-D simula pa lamang sa kaniyang unang taon.
  • Inaasahang matatapos ang kurso sa panahong itinatakda sa kaniyang kurikulum.
  • Magtatapos sa naturang taong panuruan.
  • Hindi kwalipikado ang transferee, returnee, second degree course taker.
  • Aktibong opisyal ng alinmang samahan sa loob ng pamantasan sa panahon na nagbukas ang panawagan na setipikado ng organisasyon.
  • Hindi nakapagtamo ng anumang menor at medyor na paglabag simula sa una hanggang sa huling taon ng kaniyang pananatili sa pamantasan ayon sa berepikasyon ng Tanggapan ng Kapakanan at Pormasyong Pangmag-aaral.
  • Hindi nakapagtamo ng bagsak na grado sa anumang akademiko at di-akademikong mga aralin simula sa kaniyang unang taon hanggang sa semestre bago ang kaniyang nominasyon na sertipikado rin ng Tanggapan ng Tagatala.
  • Mayroong apat na proyekto o gawain na pinasimulan at pinamahalaan.

  Kailangang Dokumento

Sertipikasyon ng grado simula unang taon hanggang sa semestre bago ang nominasyon.

*Isasaalang-alang ang panlahat na GPA ng nominado sa pagtutuos ng kaniyang akademikong pagganap.

  • 4.00 98 – 100
  • 3.75 95 – 97
  • 3.50 92 – 94
  • 3.25 89 – 91
  • 3.00 86 – 88
  • 2.75 83 – 85
  • 2.50 80 – 82
  • 2.25 77 – 79
  • 2.00 74 – 76
  • 1.75 71 – 73
  • 1.50 68 – 70
  • 1.25 64 – 67
  • 1.00 60 – 63
  • 0.00 Mababa sa 60

Pormat

Ang mga nominado ay kinakailangang magsumite ng naka-ring bind na dokumento na naglalaman ng sumusunod:

  • Nasagutang aplikasyong pormularyo.
  • Iniisa-isang proyekto o gawain sa loob ng pamantasan na inisyatiba at pinamahalaan ng samahan. Kinakailangan din na aprubado at suportado ito ng sipi ng mga panukalang proyekto at ulatkatagumpayan ng proyekto
  • Ang mga gawain/proyekto na hindi aprubado ng OSS ay kinakailangang suportado ng mga sertipiko ng mga tagapangasiwa ng programa
  • Sertipiko ng paglahok at iba pang kaugnay na proyekto/gawain
  • Sipi ng grado na mula sa portal ng mag-aaral
  • Sertipiko na hindi nagtamo ng paglabag sa organisasyon.

Ang hindi kumpletong dokumento ay hindi kikilalanin bilang opisyal na nominado.