Sa kursong ito, inihahanda ang mga mag-aaral na malinang ang kaalaman nang buong husay sa wika at panitikan, tungo sa malalim at malawak na pang- unawa sa mga isyu at kalakarang pangwika at panliteratura kaugnay ng kanilang disiplina. Sa dakong huli ay mapalakas ang diwa ng nasyonalismo at ng iba pang mga pagpapahalagang moral na napapaloob sa kulturang Lasalyano.

Alinsunod sa Mga Layunin sa Pagkatuto ng Institusyon, ang programa ay idinisenyo upang:

• mapalalim ang kaalaman ng mag-aaral sa pundasyong teoretikal at konseptuwal sa disiplinang Filipino;
• malinang ang kasanayang pedagohikal ng mga mag-aaral sa wikang Filipino, panitikan ng Pilipinas, at kulturang Pilipino;
• makabuo ng mga pag-aaral at pananaliksik ang mga mag-aaral na magagamit sa pagtuturo-pagkatuto ng wika, panitikan, at kultura;
• Makapag-ambag sa intelektwalisasyon ng Filipino at karunungang Pilipino sa pamamagitan ng mga akademikong Gawain; at
• Maitanghal ang Lasalyanong identidad at maka-Kristiyanong edukasyon at mga pagpapahalaga.

Sa matagumpay na pagkumpleto ng programa, ang mga mag-aaral ay magagawang:

• maisapraktika ang mga batayang teoretikal, konseptuwal, at pedagohikal kaugnay sa mga usaping pangwika, pamapanitikan, at pangkultura;
• mapaghusay ang kakayahan ng mga mag-aaral sa Filipino at panitikang Pilipino na magagamit sa pagtuturo at pananaliksik;
• mapalalim ang kaalaman sa wikang Filipino at panitikang Pilipino bilang behikulong huhubog sa multidisiplinaryong perspektiba;
• mapaigting ang pagiging mapanuri at malikhain na magagamit sa propesyon at pakikipag-unayan sa pamayanang lokal at global;
• makapaglathala ng mga pananaliksik na magtatampok sa mga wika sa Pilipinas, panitikan ng bansa, at kulturang Pilipino sa pangkalahatan nito; at
• mailapat ang maka-Lasalyano at maka-Kristiyanong edukasyon at pagpapahalaga sa disiplinang kinabibilangan.